əhsildə İnkişaf və İnnovasiyalar üzrə IX qrant müsabiqəsinin qalibi olan “Fəal öyrənmə: Təşəbbüskar və məsuliyyətli şagirdlər yetişdirmək” qrant layihəsinin icrası uğurla yekunlaşıb.

 “Fəal öyrənmə: Təşəbbüskar və məsuliyyətli şagirdlər yetişdirmək” qrant layihəsinin bağlanış mərasimi keçirilib.

 Təhsildə İnkişaf və İnnovasiyalar üzrə IX qrant müsabiqəsinin qalibi olan “Fəal öyrənmə: Təşəbbüskar və məsuliyyətli şagirdlər yetişdirmək” qrant layihəsinin icrası uğurla yekunlaşıb.

 Bağlanış mərasimində layihə çərçivəsində həyata keçirilən fəaliyyətlər, əldə olunan nəticələr və layihənin tədris prosesinə verdiyi töhfələr təqdim olunub. Qeyd edilib ki, layihə müddətində müəllimlərin peşəkar inkişafının dəstəklənməsi, fəal öyrənmə yanaşmalarının tədris prosesinə inteqrasiyası və şagirdyönümlü təlim mühitinin gücləndirilməsi istiqamətində mühüm işlər görülüb.

 Layihə çərçivəsində 287 nömrəli Zəkalar liseyinin 4 müəllimi Cambridge Universitetinin “Develop Your Understanding of Active Learning and How to Apply It in Your Teaching Practice” beynəlxalq onlayn kursunu uğurla tamamlayaraq fəal öyrənmə metodları və interaktiv tədris strategiyaları üzrə bilik və bacarıqlarını inkişaf etdiriblər. Daha sonra müəllimlər əldə etdikləri təcrübəni həmkarları ilə paylaşaraq silsilə təlimlər təşkil edib, fəal öyrənmə yanaşmalarının məktəbdə daha geniş tətbiqinə töhfə veriblər.

 
Xatırladırıq ki, “Fəal öyrənmə: Təşəbbüskar və məsuliyyətli şagirdlər yetişdirmək” qrant layihəsi İbrahimova Nigar tərəfindən 287 nömrəli Zəkalar liseyində həyata keçirilib. Layihənin əsas məqsədi fəal öyrənmə yanaşmasının tədris prosesinə inteqrasiyası, müəllimlərin peşəkar bacarıqlarının inkişaf etdirilməsi və şagirdlər üçün müasir, interaktiv öyrənmə mühitinin formalaşdırılmasına töhfə verməkdir.

 

#GrantEduAz #IXQrant #QrantMüsabiqəsi #EduGrants

“Fəal öyrənmə: Təşəbbüskar və məsuliyyətli şagirdlər yetişdirmək” qrant layihəsi çərçivəsində açılış mərasimi keçirilib.

Layihə çərçivəsində müasir təhsil yanaşmalarına əsaslanaraq şagirdlərin tədris prosesində fəal iştirakının artırılması və şagirdyönümlü tədris mühitinin gücləndirilməsi məqsədilə müəllimlərin peşəkar inkişafına yönəlmiş xüsusi proqramın icrası nəzərdə tutulur. Bu məqsədlə 4 nəfər pedaqoji heyət üzvünün Cambridge Universitetinin “Develop Your Understanding of Active Learning and How to Apply It in Your Teaching Practice” adlı beynəlxalq onlayn kursunda iştirakı planlaşdırılır. Müəllimlər kurs çərçivəsində fəal öyrənmə prinsiplərini, həmçinin interaktiv dərs modellərini mənimsəyəcəklər.

Qeyd edək ki, "Fəal öyrənmə: Təşəbbüskar və məsuliyyətli şagirdlər yetişdirmək” qrant layihəsi İbrahimova Nigar tərəfindən 287 nömrəli Zəkalar liseyində həyata keçirilir. Layihənin əsas məqsədi fəal öyrənmə yanaşmasının məktəbin tədris prosesinə inteqrasiyası, müəllimlərin peşəkar bacarıqlarının inkişaf etdirilməsi və şagirdlər üçün daha interaktiv tədris mühitinin formalaşdırılmasıdır.

 #EduGrants #GrantsEduAz #QrantMüsabiqəsi #IXQrant